युकेश चौधरी
युरो २०२४ को समूह ‘डी’ को विजेता को हुने भन्ने निर्णय गर्ने खेलमा फ्रान्स शुक्रबार नेदरल्यान्ड्सको सामना गर्नेछ। तर, यो खेलमा फ्रान्सले केलियन एमबाप्पे बिना कसरी खेल्ने हो भन्ने बारे योजना बनाउनुपर्नेछ।
घाइते रहेका एमबाप्पेको अवस्था अभ्यासका क्रममा नियाल्दै प्रशिक्षक डिडियर डेसच्याम्पले टिम रणनीति तय गर्नेछन्।
एमबाप्पे बिनाको फ्रान्स सामना गर्दा नेदरल्यान्ड्सलाई राहत नै हुनेछ। अस्ट्रियामाथि १–० को जितमा एमबाप्पे घाइते भएका थिए। उनको नाकमा चोट लागेको थियो।
एमबाप्पेलाई खेलमा फर्कने हो भने सुरक्षात्मक कवच चाहिने छ। उनी खेल्दैनन् भने त्यसले नेदरल्यान्ड्सलाई खुसी राख्नेछ।
युरो छनोटमा फ्रान्स र नेदरल्यान्ड्स एउटै समूहमा थिए। छनोटका दुवै खेलमा फ्रान्स विजयी रह्यो। यी खेलमा एमबाप्पेले चार गोल गरेका थिए।
एमबाप्पेका लागि नेदरल्यान्ड्स प्रिय प्रतिद्वन्द्वी हो। डचविरुद्धका ५ खेलमा उनले ६ गोल गरेका छन्।
फ्रान्सका अरू साथी खेलाडी एमबाप्पेले खेल्दा उनी नै हुनेछन्, तर टिम व्यवस्थापनले उनले खेल्ने हो वा होइनन् भनेर आधिकारिक रूपमा केही भनेको छैन।
एमबाप्पेले अहिलेसम्म विश्वकपमा १२ गोल गरिसकेका छन्। तर युरोमा भने उनले एकै गोल गरेका छैनन्।
एमबाप्पेको अनुपस्थितिमा टिमको नेतृत्व ओलिभर जिरोडले गर्नेछन्।
नेदरल्यान्ड्सलाई के राम्रोसँग थाहा छ भने फ्रान्स निकै बलियो टिम हो, एमबाप्पे हुँदा या नहुँदा।
रोनाल्ड कोमनको नेदरल्यान्ड्सले पोल्यान्डविरुद्धको खेलमा फुनरागमन रच्दै जित निकालेको थियो। त्यस खेलमा डच टिमले अनेक अवसर गुमाएको थियो।
