मौसम पूर्वानुमान विभागका अनुसार हाल देशको पूर्वी लुम्बिनी बाहेक कोशी, मधेस, बाग्मती र गण्डकी प्रदेशका अधिकांश भू-भागमा मनसुनी प्रणालीको प्रभाव रहेको छ । बाँकी क्षेत्रमा भने स्थानीय वायु र पश्चिमी वायुको आंशिक प्रभाव रहेको छ ।
जसको फलस्वरूप कोशी, बाग्मती, गण्डकी र लुम्बिनी प्रदेशमा सामान्यतया बदली लागेको छ भने देशको अन्य भू-भागमा आंशिक बदलीदेखि मौसम सामान्यतया सफा रहेको छ । कोशी, बाग्मती र गण्डकी प्रदेशका केही स्थानहरूमा र लुम्बिनी प्रदेशको एक वा दुई स्थानमा चट्याङसहित हल्कादेखि मध्यम वर्षा भइरहेको छ ।
आज दिउँसो : देशभरि आंशिकदेखि पूर्ण बदली रहनेछ । कोशी, बाग्मती, गण्डकी र लुम्बिनी प्रदेशका केही स्थानहरूमा र बाँकी क्षेत्रका थोरै स्थानहरूमा चट्याङसहित हल्कादेखि मध्यम वर्षाको सम्भावना रहेको छ । साथै, कोशी, बाग्मती, गण्डकी र लुम्बिनी प्रदेशका एक वा दुई स्थानमा भारी वर्षाको सम्भावना पनि छ ।
आज राति : कोशी, मधेस, बाग्मती, गण्डकी र लुम्बिनी प्रदेशका पहाडी भू-भागमा आंशिक बदलीदेखि सामान्यतया सफा रहनेछ । कोशी, मधेस, बाग्मती, गण्डकी र लुम्बिनी प्रदेशका केही स्थानहरूमा र कर्णाली र सुदूरपश्चिम प्रदेशका केही स्थानहरूमा चट्याङसहित हल्कादेखि मध्यम वर्षाको सम्भावना रहेको छ । साथै, कोशी, गण्डकी र लुम्बिनी प्रदेशका एक वा दुई स्थानमा भारी वर्षाको सम्भावना पनि छ ।
कोशी, बाग्मती, गण्डकी र लुम्बिनी प्रदेशका केही स्थानहरूमा भारी वर्षाको सम्भावना रहेकाले मौसम विभागले ती क्षेत्रहरूमा पहिरो, बाढी, कटान र गेग्रान बहाव जस्ता विपद्को जोखिम वा क्षतिबाट बच्न आवश्यक सावधानी अपनाउन अनुरोध गरेको छ ।
