झापाको मेचीनगर नगरपालिका–३ स्थित धरधरे टोलको सुकेनिन्दा खोला किनारमा आज बिहान एक मृत हात्ती फेला परेको छ ।
स्थानीयवासीले खोलामा मृत हात्ती देखेपछि जिल्ला प्रहरी कार्यालय र डिभिजन वन कार्यालयलाई खबर गरेका थिए । खबर प्राप्त हुनासाथ उक्त निकायका संयुक्त टोली घटनास्थल पुगेको थियो ।
जिल्ला प्रहरी कार्यालय झापाका प्रवक्ता प्रहरी निरीक्षक कृष्णबहादुर चन्दका अनुसार मृत हात्तीको लिंग पहिचान हुन सकेको छैन । हात्तीको मृत्युको कारणबारे अनुसन्धान भइरहेको छ ।
स्थानीयवासीका अनुसार यो हात्ती हिजोदेखि हराएको थियो । हात्तीको मृत्युको खबरले स्थानीयवासीहरुमा त्रास फैलिएको छ ।
डिभिजन वन कार्यालयका अधिकारीहरुले हात्तीको मृत्युको बारेमा थप अनुसन्धान गरिने बताएका छन् ।
