युकेश चौधरी
नेपालको मौसममा यतिबेला बदलाव आइरहेको छ। मौसम पूर्वानुमान विभागका अनुसार देशको पूर्वी भागमा मनसुनी प्रणालीको प्रभाव बलियो बन्दै छ भने बाँकी भू–भागमा स्थानीय वायु, पश्चिमी वायु र भारतको बिहार राज्यमा रहेको न्यून चापीय प्रणालीको मिश्रित प्रभाव परेको छ।
वर्षाको सम्भावना
आज कोशी, प्रदेश नं. २ (मधेश) र वाग्मती प्रदेशका पहाडी क्षेत्रमा आंशिकदेखि पूर्ण बदली रहने तथा बाँकी भू–भागमा आंशिक बदली रहने अनुमान गरिएको छ। तर, कोशी, वाग्मती र गण्डकी प्रदेशका केही स्थानहरूमा र मधेश प्रदेशसहित बाँकी भू–भागका थोरै स्थानहरूमा चट्याङसहित हल्कादेखि मध्यम वर्षाको सम्भावना रहेको छ।
सप्ताहान्तभरि कोशी, प्रदेश नं. २ (मधेश), वाग्मती र गण्डकी प्रदेशमा आंशिकदेखि पूर्ण बदली रहनेछ। बाँकी भू–भागमा भने सामान्यतया मौसम सफा रहनेछ। कोशी, वाग्मती र गण्डकी प्रदेशका केही स्थानहरूमा र मधेश प्रदेशसहित बाँकी भू–भागका थोरै स्थानहरूमा चट्याङसहित हल्का वर्षाको सम्भावना रहेको छ।
